విష్ణుదేవు పాదములే
విష్ణు దేవు పాదములే విద్యబుధ్ధీ మాకు వైష్ణవులమైతి మింక వదలవో కర్మమా || గోవిందునిపాదములే కోరి యిహపరములు శ్రీవిభునిపాదములే చేరువేదశాస్త్రములు దేవదేవుపాదములే దిక్కును దెసయు మాకు భావములో నిలిపితి పాయరో పాపములు || హరిపాదములే మాకు నన్నపానభోగములు పరమాత్ము పాదములే పాడీ పంటా మాకు మురహరు పాదములే ముందర వెనకా మాకు శరణంటి మెందైనా చనరో దుఃఖములు|| అనంతుని పాదములే ఆయుష్య భౌష్యములు దనుజారి పాదములే ధనధాన్య ధర్మములు యెనలేని శ్రీవేంకటేశు డితనిపాదాలే మనసున గొలిచితి మానరో భవములు||
