గంధము పూయరుగా
అ. అందమైన యదు నందనుపై
కుంద రదనలిరవొందగ పరిమళ (గ)
చ1. తిలకము దిద్దెరుగా కస్తూరి తిలకము దిద్దెరుగా
కలకలమని ముఖ కళ కని సొక్కుచు
పలుకులనమృతములొలికెడు స్వామికి (గ)
చ2. చేలము కట్టెరుగా బంగరు చేలము కట్టెరుగా
మాలిమితో గోపాల బాలులతో-
నాల మేపిన విశాల నయనునికి (గ)
చ3. హారతులెత్తెరుగా ముత్యాల హారతులెత్తెరుగా
నారీ మణులకు వారము యౌవన
వారకమొసగెడు వారిజాక్షునికి (గ)
చ4. పూజలు సేయరుగా మనసార పూజలు సేయరుగా
జాజులు మరి విరివాజులు దవనము
రాజిత త్యాగరాజ నుతునికి (గ)
Comments
Post a Comment