లలిత లవంగ లతా పరిశీలన కోమల మలయ సమీరే
లలిత-లవంగ- లతా-పరిశీలన-
కోమల- మలయ-సమీరే
మధుకర-నికర-కరంబిత-కోకిల-కూజిత-కుంజ-
కుటీరే
విహరతి హరిరిహ సరస-వసంతే నృత్యతి
యువతి-జనేన సమం సఖి విరహి-జనస్య దురంతే
ఉన్మద-మదన- మనోరథ -పథిక-వధూ -జన-జనిత-విలాపే
అలి-కుల-సంకుల-
కుసుమ-సమూహ-నిరాకుల- వకుల-కలాపే
మృగమద-సౌరభ-రభస-వశంవద-
నవ-దళ -మాల-తమాలే
యువ-జన-హృదయ-విదారణ-మనసిజ-నఖ-రుచి-కింశుక-జాలే
మదన-మహీపతి-కనక-దణ్డ
-రుచి-కేసర-కుసుమ-వికాసే
మిళిత-శిలీముఖ-పాటల
-పటల-కృత-స్మర-తూణ-విలాసే
విగళిత-లజ్జిత-జగదవలోకన-తరుణ-కరుణ-కృత-హాసే
విరహిణినికృంతన-కుంత-ముఖాకృతి-కేతక –దంతురితాశే
మాధవికా-పరిమళ- మిళితే నవమల్లికయాతి -సుగంధౌ
ముని-మనసామపి మోహన-కారిణి
తరుణాకారణ –బంధౌ
స్ఫురదతిముక్త-లతా-పరిరంభణ-పులకిత-ముకుళిత-చూతే
బృందావన-విపినే
పరిసర-పరిగత-యమునా-జల-పూతే
శ్రీ-జయదేవ-భణితమిదముదయతి
హరి-చరణ-స్మృతి-సారం
సరస-వసంత-సమయ-వన-వర్ణనమనుగత-మదన-వికారం
Comments
Post a Comment