ననుబ్రోవమని చెప్పవే సీతమ్మ తల్లి
ననుబ్రోవమని చెప్పవే సీతమ్మతల్లి || ననుబ్రోవమని ||
ననుబ్రోవమని చెప్పవే నారీ శిరోమణి
జనకుని కూతుర జనని జానకమ్మ || ననుబ్రోవమని ||
ప్రక్కను చేరి చెక్కిలి నొక్కుచు
చక్కగ మరుకేళి చొక్కియుండెడివేళ || ననుబ్రోవమని ||
ఏకాంతరంగుడు శ్రీకాంత నినుగూడి
ఏకాంతమున నేక శయ్య నున్నవేళ || ననుబ్రోవమని ||
అద్రిజ వినుతుడు భద్రగిరీశుడు
నిద్రమేల్కొనువేళ నెలతరో బోధించి || ననుబ్రోవమని ||
Comments
Post a Comment