ఛీ ఛీ నరులదేటి జీవనము కాచుక శ్రీహరి నీవే కరుణింతుగాక


ఛీ ఛీ నరులదేటి జీవనము కాచుక శ్రీహరి నీవే కరుణింతుగాక

అడవిలో మృగజాతియైన గావచ్చుగాక వడినితరుల గొలువఁగ వచ్చునా
వుడివోని పక్షియైవుండనైనవచ్చుగాక విడువకెవ్వరినైనా వేడవచ్చునా!!

పసురమై వెదలేని పాటుపడవచ్చుగాక కసివో నొరుల బొగడగావచ్చునా
వుసురుమానై పుట్టి వుండనైనవచ్చుగాక విసువక వీరివారి వేసరించవచ్చునా!!

యెమ్మెల బుణ్యాలుసేసి యిల యేలవచ్చుగాక కమ్మి హరిదాసుడు గావచ్చునా
నెమ్మది శ్రీ వేంకటేశ నీ చిత్తమేకాక దొమ్ముల కర్మములివి తోయవచ్చునా!!

Comments

Post a Comment

Popular posts from this blog

వీడివో అల విజయరాఘవుడు

Image
                            వీడివో అల విజయరాఘవుడు పోడిమి కొలువున పొదలి చెలియ || రాముడు లోకాభిరాముడు గుణ ధాముడసురులకు దమనుడు తామర కన్నుల దశరధ తనయుడు మోమున నవ్వి మొక్కవే చెలియ || కోదండధరుడు గురుకిరీటపతి కోదిగసురముని పూజితుడు అదిమపురుషుడు అంబుదవర్ణుడు నీ దెసచుపులు నించే చెలియ || రావణాoతకుడు రాజశేఖరుడు శ్రీవేంకటగిరి సీతాపతి వావిలి పాటిలో వరమూర్తి తానై వోవరి కొలువున ఉన్నాడే చెలియ ||
Read more

వస్తా వట్టిదే పోతా వట్టిదే ఆశ ఎందుకంట

Image
వస్తా వట్టిదే పోతా వట్టిదే ఆశ ఎందుకంట చేసిన ధర్మము చెడని పదార్ధము చేరును నీ వెంట చేతిలో అమృతము ఉన్నంత సేపే అన్నదమ్ములంట ఆ ఘాధం బై పోయేనాడు ఎవరురారు వెంట వస్తా వట్టిదే పోతా వట్టిదే ఆశ ఎందుకంట చేసిన ధర్మము చెడని పదార్ధము చేరును నీ వెంట పంచ భూతముల తోలు బొమ్మతో ప్రపంచమా యె నట అంతము వరకు కించిత్ ఆశతో పెంచెను జగమంతా వస్తా వట్టిదే పోతా వట్టిదే ఆశ ఎందుకంట చేసిన ధర్మము చెడని పదార్ధము చేరును నీ వెంట
Read more

మంగళం జయ మంగళం.. మా నల్లనయ్యకు మంగళం

Image
మంగళం జయ మంగళం .. మా నల్లనయ్యకు మంగళం .. ||2|| మంగళం జయ మంగళం .. మా కృష్ణ స్వామికి మంగళం .. ||2|| || మంగళం || శిరమునందున మెరయుచుండెడి నెమలి పింఛకు మంగళం .. ||2|| శ్యామలాంగుని కరములందలి మధురమురళికి మంగళం ..||2|| || మంగళం || వనజగమ్మును ధిక్కరించెడి వదనశోభకు మంగళం ...||2|| కరుణరసమును చిందుచుండెడి కన్నుదోయికి మంగళం ..||2|| || మంగళం || బ్రహ్మచే పూజింపబడిన చరణయుగళికి మంగళం ..||2|| జగములన్నియు కన్నతండ్రగు చక్కనయ్యకు మంగళం .. ||2|| || మంగళం || గోపికా గణసేవితుడు శ్రీ గోవిందునకు మంగళం .. ||2|| రాధికా పరివేష్టితుండౌ రసేశ్వరునకు మంగళం ... ||2|| || మంగళం ||
Read more