సంప్రదాయ కీర్తనలు

ప || కొలిచిన వారల కొంగుపైడితడు | బలిమి తారక బ్రహ్మమీతడు || చ || ఇనవంశాంబుధి నెగసిన తేజము | ఘనయజ్ఞంబుల గల ఫలము | మనుజరూపమున మనియెడి బ్రహ్మము | నినుపుల రఘుకుల నిధానమీతడు || చ || పరమాన్నములోపలి సారపుజవి | పరగినదివిజుల భయహరము | మరిగినసీతా మంగళసూత్రము | ధరలో రామావతారంబితడు || చ || చకితదానవుల సంహారచక్రము | సకల వనచరుల జయకరము | వికసితమగు శ్రీవేంకట నిలయము | ప్రకటిత దశరథ భాగ్యంబితడు ||

ప:   శ్రీరామ జయరామ శృంగార రామయని చింతించరాదే ఓ మనసా 1. తళుకు జెక్కుల ముద్దు బెట్ట కౌసల్య మును తపమేమి చేసెనో తెలియ 2. దశరధుడు శ్రీరామ రా రా యని బిలువ మును తపమేమి చేసెనో తెలియ 3. తనివారి పరిచర్య సేయ సౌమిత్రి మును తపమేమి చేసెనో తెలియ 4. తనవెంత జన జూచి యుప్పొంగ కౌసికుడు తపమేమి చేసెనో తెలియ 5. తాపమణగి రూపవతియౌట కహల్య త పమేమి చేసెనో తెలియ 6. ధర్మాత్మ చరణంబుసోక శివచాపము తపమేమి చేసెనో తెలియ 7. తన తనయ నొసగి కనులార జనకుండు   తపమేమి చేసెనో తెలియ 8. దహరంబు కరుగ కరమునుబట్ట జానకి   తపమేమి చేసెనో తెలియ 9. త్యాగరాజాప్త యని బొగడ నారదమౌని తపమేమి చేసెనో తెలియ

తొల్లి కలవే ఇవియు తొల్లి తానుఁ గలడే కల్లయునుఁ గాదు ఇది కడు నిజము గాదు.     IIపల్లవిII కను దెరచినంతనే  కలుగు నీ జగము కనుమూసినంతనే కడు శూన్యమౌను కనురెప్ప మరఁగుననె కలిమియును లేమియును తన మనోభావనలఁ దగిలి తోఁచీని.           IIతొల్లిII తలఁచినంతనె యెంత దవ్వయిన గాన్పించు తలఁపు మరచినమతికి దట్టమౌఁ దమము పొలసి మతిమరఁగుననె పుట్టుటలుఁ బోవుటలు పలుచంచలవికారభావ మీ గుణము.      IIతొల్లిII ముందు దాఁ గలిగితే మూఁడు లోకములుఁ గల వెందు దా లేకుంటే నేమియును లేదు అంది శ్రీవేంకటేశుఁ డాత్మలోననె వీఁడె కందువల నితని సంకల్ప మీపనులు.     IIతొల్లిII 4-73

                      ప: కృష్ణం కలయ సఖీ సుందరం బాల కృష్ణం కలయ సఖీ సుందరం!! అ.ప: కృష్ణం గతవిషయ తృష్ణమ్ జగత్ప్రభ విష్ణుం సురారిగణ జిష్ణుం సదా!!బాల!! ౧. నృత్యంత మిహ ముహురత్యంత మపరిమిత భృత్యానుకూలమఖిల సత్యం సదా!!బాల!! ౨. ధీరం భవజలధి పారం సకలవేద సారం సమస్తయోగి తారం సదా!!బాల!! ౩. శృంగారరసభర సంగీత సాహిత్య గంగాలహరీఖేల సంగం సదా!!బాల!! ౪. రామేణ జగదభి రామేణ బలభద్ర రామేణ సహావాప్త కామేన సదా!!బాల!! ౫. రాధారుణాధర సుధాపం సచ్చిదానంద రూపం జగత్త్రయ భూపం సదా!!బాల!! ౬. దామోదర మఖిల కామాకారం ఘన శ్యామాకృతి మసుర భీమం సదా!!బాల!! ౭. అర్థం శిథీలీకృతా నర్థం శ్రీనారాయణ తీర్థంపరమపురుషార్థం సదా!!బాల!!