సంప్రదాయ కీర్తనలు

కంటి శుక్రవారము గడియ లేడింట - అంటి అలమేల్మంగ అండనుండే స్వామిని ॥ సొమ్ములన్నీ కడబెట్టి సొంపుతో గోణముగట్టి - కమ్మని కదంబము కప్పు పన్నీరు చెమ్మతోన వేష్టువలు రొమ్ముతల మొలచుట్టి - తుమ్మెద మైచాయతోన నెమ్మది నుండే స్వామిని ॥ కంటి !! పచ్చకప్పూరమె నూఱి పసిడి గిన్నెల నించి - తెచ్చి శిరసాదిగ దిగ నలది అచ్చెరపడి చూడ అందరి కన్నులకింపై - నిచ్చెమల్లెపూవు వలె ఇటుతానుండే స్వామిని ॥ కంటి !! తట్టు పునుగే కూరిచి చట్టలు చేరిచినిప్పు - పట్టి కరగించి వెండి పళ్ళాల నించి దట్టముగ మేనునిండ పట్టించి దిద్ది - బిట్టు వేడుక మురియుచుండే బిత్తరి స్వామిని ॥ కంటి ! !

                      ప. ఇట్టి ముద్దులాడి బాలుడేడ వాడు వాని పట్టి తెచ్చి పొట్టనిండ పాలు వోయరే!! 1. కామిడై పారితెంచి కాగెడి వెన్నెలలోన చేమపూవు కడియాల చేయి వెట్టి చీమ గుట్టెనని తన చెక్కిట కన్నీరు జార  వేమరువాపోవు వాని వెడ్డు బెట్టరే!!ఇట్టి!! 2. ముచ్చువలె వచ్చి తన ముంగ మురువుల చేయి తచ్చెడి పెరుగులోన దగలబెట్టి నొచ్చెననీ చేయి తీసి నోరనెల్ల జొల్లుగార వొచ్చెలి వాపోవువాని నూరడించరే!!ఇట్టి!! 3. ఎప్పుడు వచ్చెనో మాయిల్లు చొచ్చి పెట్టెలోని చెప్పరాని ఉంగరాల చేయిపెట్టి అప్పడైన వేంకటాద్రి అసవాలకుడు గాన తప్పకుండా పెట్టె వాని తలకెత్తరే!!ఇట్టి!!

ప. క్షీర సాగర విహార అపరిమిత ఘోర పాతక విదార క్రూర జన గణ విదూర నిగమ సంచార సుందర శరీర చ1. శతమఖాహిత విభంగ శ్రీ రామ శమన రిపు సన్నుతాంగ శ్రిత మానవాంతరంగ జనకజా శృంగార జలజ భృంగ (క్షీ) చ2. రాజాధి రాజ వేష శ్రీ రామ రమణీయ కర సు-భూష రాజ నుత లలిత భాష శ్రీ త్యాగ- రాజాది భక్త పోష (క్షీ)