సంప్రదాయ కీర్తనలు

ప. నే పొగడకుంటే నీకేమి కొదవో నీ మనసు తెలిసె కదరా ఓ రామ అ. ప్రాపు కల శుక సనక ప్రహ్లాద నారద పరమేశ రుద్రాది భక్తులర్చింపగ (నే) చ. భుజియింప పెట్ట సతి బుధులు సామాజికులు భజియింప సోదరులు పవన సూనుడజ బిడౌజాది సురులాప్తులైనారు నీరజ నయన శ్రీ త్యాగరాజ నుత బాలుడగు (నే)

ప. అప్ప రామ భక్తియెంతో గొప్పరా మా(యప్ప) అ. త్రిప్పటలను తీర్చి కంటి రెప్ప వలెను కాచునా మా(యప్ప) చ 1. లక్ష్మి దేవి వలచునా లక్ష్మణుండు కొలుచునా సూక్ష్మ బుద్ధి గల భరతుడు జూచి జూచి సొలసునా మా(యప్ప) చ 2. శబరియెంగిలిచ్చునా చంద్ర ధరుడు మెచ్చునా అబల స్వయంప్రభకు దైవమచల పదవినిచ్చునా మా(యప్ప) చ 3. కపి వారిధి దాటునా కలికి రోట కట్టునా అపరాధి త్యాగరాజుకానందము హెచ్చునా మా(యప్ప)

ప. వినయమునను కౌశికుని వెంట చనినాంఘ్రులను జూచునదెన్నటికో అందు వెనుక రాతిని నాతి జేసిన చరణములను జూచునదెన్నటికో (వి) చ 1. ఘనమైన శివుని చాపము ద్రుంచిన పాదమును జూచునదెన్నటికో ఆ జనక రాజు పాల కడిగినయా కాళ్ళను జూచునదెన్నటికో (వి) చ 2. చనువున సీతను బొట్టు కట్టిన కరమును జూచునదెన్నటికో కోపమున భృగు సుతు చాప బలమందుకొన్న బాహువు జూచునదెన్నటికో (వి) చ 3. వనమున చని విరాధుని చంపిన చేతులను జూచునదెన్నటికో అల్ల ముని జనులను కని అభయమిచ్చిన హస్తమును జూచునదెన్నటికో (వి) చ 4. తనకు తానే కాకాసురుని కాచిన శరమును జూచునదెన్నటికో క్షణమున బహు రథముల పొడి చేసిన- యస్త్రమును జూచునదెన్నటికో (వి) చ 5. ఘన బలుడైన వాలిని చంపిన బాణమును జూచునదెన్నటికో ఆ వనధి మద గర్వమణచిన సాయకమును జూచునదెన్నటికో (వి) చ 6. కని కరమున విభీషణుని జూచిన కన్నులను జూచునదెన్నటికో రావణుని కొట్టి పేద కపులు లేవ జూచు దృష్టిని జూచునదెన్నటికో (వి) చ 7. వన చరాధిపుని చల్లగ జూచిన నేత్రమును జూచునదెన్నటికో దినమును లంక వర్ధిల్లను జూచు లోచనమును జూచునదెన్నటికో (వి) చ 8. ఘనమైన పుష్పకమున రాజిల్లిన సొగసు...

ప. రామా నీయెడ ప్రేమ రహితులకు నామ రుచి తెలుసునా ఓ సీతా (రా)   అ. కామినీ వేషధారికి సాధ్వీ నడత- లేమైన తెలుసునా ఆ రీతి సీతా (రా) చ. తన సౌఖ్యము తానెరుగకనొరులకు తగు బోధన సుఖమా ఘనమగు పులి గో రూపమైతే త్యాగ- రాజ నుత శిశువుకు పాలు కల్గునా (రా)

పల్లవి రమించు వారెవరురా రఘోత్తమా నినువినా అనుపల్లవి శమాది షడ్గుణగణ సకల భువన జనులలో (రమించు) ౧. రమయనే సుమర్మము రామయనే శర్మము తదమరవరుల కబ్బెనో త్యాగరాజ సన్నుతా (రమించు)

ప. తెలిసి రామ చింతనతో నామము సేయవే ఓ మనసా అ. తలపులన్ని నిలిపి నిమిషమైన తారక రూపుని నిజ తత్వములను (తె) చ 1. రామాయన చపలాక్షుల పేరు కామాదుల పోరు వారు వీరు రామాయన బ్రహ్మమునకు పేరు ఆ మానవ జననార్తులు తీరు (తె) చ 2. అర్కమనుచు జిల్లెడు తరు పేరు మర్కట బుద్ధులెట్టు తీరు అర్కుడనుచు భాస్కరునికి పేరు కు-తర్కమనే అంధకారము తీరు (తె) చ 3. అజమనుచు మేషమునకు పేరు నిజ కోరికలేలాగీడేరు అజుడని వాగీశ్వరునికి పేరు విజయము కల్గును త్యాగరాజ నుతుని (తె) https://www.jiosaavn.com/song/peridi-ninnu-penchina-varevare-dr.m.balamuralikrishna/NxwHfyZUZ1o  

ప. ఎన్నడు జూతునో ఇన కుల తిలక ని(న్నె) అ. పన్నగ శయన భక్త జనావన పున్నమ చందురు పోలు ముఖమును (ఎ) చ. ధరణిజా సౌమిత్రి భరత రిపుఘ్న వానర యూథ పతి వరుడాంజనేయుడు కరుణను ఒకరికొకరు వర్ణింప- నాదరణను పిలిచే నిన్ను త్యాగరాజార్చిత (ఎ)

                                                                                              పల్లవి: చక్కని రాజ మార్గముయుండగ సందులదూరనేలే ఓ మనసా అనుపల్లవి: చిక్కని పాలు మీగడయుండగ చీయను గంగా సాగరమేలే చరణం: కంటికి సుందరతరమగు రూపమే ము క్కంటి నోట చెలగే నామమే త్యాగరా జింటనే బాగా నెలకొన్న దైవమే యిటు వంటి శ్రీసాకేతరాముని భక్తియనే