సంప్రదాయ కీర్తనలు

                      ప: కృష్ణం కలయ సఖీ సుందరం బాల కృష్ణం కలయ సఖీ సుందరం!! అ.ప: కృష్ణం గతవిషయ తృష్ణమ్ జగత్ప్రభ విష్ణుం సురారిగణ జిష్ణుం సదా!!బాల!! ౧. నృత్యంత మిహ ముహురత్యంత మపరిమిత భృత్యానుకూలమఖిల సత్యం సదా!!బాల!! ౨. ధీరం భవజలధి పారం సకలవేద సారం సమస్తయోగి తారం సదా!!బాల!! ౩. శృంగారరసభర సంగీత సాహిత్య గంగాలహరీఖేల సంగం సదా!!బాల!! ౪. రామేణ జగదభి రామేణ బలభద్ర రామేణ సహావాప్త కామేన సదా!!బాల!! ౫. రాధారుణాధర సుధాపం సచ్చిదానంద రూపం జగత్త్రయ భూపం సదా!!బాల!! ౬. దామోదర మఖిల కామాకారం ఘన శ్యామాకృతి మసుర భీమం సదా!!బాల!! ౭. అర్థం శిథీలీకృతా నర్థం శ్రీనారాయణ తీర్థంపరమపురుషార్థం సదా!!బాల!!

                            శరణం భవ కరుణామయి కురు దీనదయాళో కరుణారసవరుణాలయ కరిరాజకృపాళో!! అ.ప: అధునా ఖలు విధినా మయి సుధియా సురభరితం మధుసూదన మధుసూదన హరమామక దురితమ్!! ౧ , వరనూపురధర సుందర కరశోభితవలయ సురభూసురభయవారక ధరణిధర కృపయా త్వరయా హర భరమీశ్వర సురవర్యమదీయం మధుసూదన మధుసూదన హరమామక దురితమ్!! ౨. ఘృణిమండల మణికుండల ఫణిమండలశనయ అణిమాదిసుగుణభూషణ మణిమంటపసదన వినతాసుత ఘనవాహన మునిమానస భవన మధుసూదన మధుసూదన హరమామక దురితమ్!! ౩. అరిభీకర హలిసోదర పరిపూర్ణసుఖాబ్ధే నరకాంతక నరపాలక పరిపాలితజలధే హరిసేవక శివనారాయణ తీర్థ పరాత్మన్ మధుసూదన మధుసూదన హరమామక దురితమ్!!