దినమే సుదినము సీతారామ స్మరణే పావనము


ప: దినమే సుదినము సీతారామ స్మరణే పావనము || దినమే ||

చ 1: ప్రీతినై నా ప్రాణభీతి నైనా కలిమి
చేతనైనా మిమ్మే ఏతీరుగ తలచిన ఆ || దినమే ||

చ 2: అర్థాపేక్షను దినము వ్యర్ధముగాకుండ
సార్ధకముగా మిమ్ము ప్రార్ధన చేసిన ఆ || దినమే ||

చ 3: నిరతము మెరుగు బంగారు పుష్పముల రఘు
వరుని పదముల నమర పూజించిన ఆ || దినమే ||

చ 4: మృదంగ తాళము తంబురశృతి గూర్చి
మృదు రాగము కీర్తన పాడినను విన్న ఆ || దినమే ||

చ 5: ఘనమైన భక్తిచే పెనగొని యే వేళ
మనమున శ్రీరాముని చింతించిన ఆ || దినమే ||

చ 6: భక్తులతో ననురక్తిని గూడక
భక్తి మీరగను భక్తవత్సలు పొగడగా || దినమే ||

చ 7: దీనశరణ్య మహానుభావ యోగానలోల
నను కరుణింపుమని కొలుచు ఆ || దినమే ||

చ 8: వాసిగ శ్రీహరిదాసుల గూడుకొని
వాసుదేవు వాంఛతోను పాడెడి ఆ || దినమే ||

చ 9: అక్కరతోడ భద్రాచలమునను
చక్కని సీతారాములను చూచిన ఆ || దినమే ||

Comments

Popular posts from this blog

వస్తా వట్టిదే పోతా వట్టిదే ఆశ ఎందుకంట

పరమేశ్వరాజ్ఞ ఏమో తెలియదు అది ఎవరెరుగరు ఈశ్వరాజ్ఞ

వీడివో అల విజయరాఘవుడు