సంప్రదాయ కీర్తనలు

                      ప|| తానె తానే యిందరి గురుడు సానబట్టిన భోగి జ్ఞాన యోగి || చ|| అపరిమితములైన యజ్ఞాల వడిజేయ బ్రపన్నులకు బుద్ధి వచరించి తపముగా ఫలత్యాగము సేయించు కపురుల గరిమల కర్మయోగి || చ|| అన్నిచేతలను బ్రహ్మార్పణవిధి జేయ మన్నించు బుద్ధులను మరుగజెప్పి ఉన్నతపదమున కొనరగ గరుణించు పన్నగశయనుడే బ్రహ్మయోగి || చ|| తనరగ గపిలుడై దత్తాత్రేయుడై ఘనమైన మహిమ శ్రీ వేంకటరాయడై ఒనరగ సంసార యోగము గృపసేయు అనిమిషగతులను అభ్యాసయోగి ||

                     చక్కని తల్లికి చాంగుభళా తన చక్కెర మోవికి చాంగుభళా కులికెడి మురిపెపు కుమ్మరింపు తన సళుపు జూపులకు చాంగుభళా పలుకుల సొలపుల బతితో గసరెడి చలముల యలుకకు చాంగుభళా!! కిన్నెరతో పతి కెలన నిలుచు తన చన్ను మెఱుగులకు చాంగుభళా ఉన్నతి బతిపై నొరగి నిలుచు తన సన్నపు నడిమికి చాంగుభళా!! జందెపు ముత్యపు సరులహారముల చందన గంధికి చాంగుభళా విందయి వెంకట విభుబెన చినతన సంది దండలకు చాంగుభళా!!

                ప|| మలసీ జూడరో మగసింహము | అలవి మీరిన మాయల సింహము || చ|| అదివో చూడరో ఆదిమ పురుషుని పెద యౌబళముమీది పెనుసింహము వెదికి బ్రహ్మాదులు వేదాంతతతులు కదిసి కానగ లేని ఘనసింహము || చ|| మెచ్చి మెచ్చి చూడరో మితిమీరినయట్టి చిచ్చరకంటితోడి జిగిసింహము తచ్చిన వారిధిలోని తరుణిగౌగిటజేర్చి నచ్చిన గోళ్ళ శ్రీ నరసింహము || చ|| బింకమున జూడరో పిరితీయక నేడు అంకపుదనుజ సంహార సింహము వేంకటనగముపై వేదాచలముపై కింకలేక వడి బెరిగిన సింహము ||

 

                              ప : ఏమని వర్ణించునుకో ఇంక పురాణములెల్ల వేమారు కొత్తలాయె విశ్వలోకపతికి చ : పాలజలనిధిలోన పలుమారు తేలగాను నీలవర్ణమెల్లబోయి నిండు తెలుపైనట్టు మేలిమి కప్పురకాపు మేననిండ నించగాను పోలికె వేరొక్కటాయె పురుషోత్తమునికీ చ : వేడుక కాళిందిలోన వేమారు నీదగాను ఆడనే కమ్మర నలుపైనట్టు తోడనే తట్టుపునుగు తొప్పదోగ నించగాను జాడ వేరొక్కటాయె సర్వేశ్వరునికీ చ : అలమేలుమంగ నుఱమందునే నిలుపగాను అలరి బంగారు వర్ణమైనట్టు నలుగడ సొమ్ములతో నానావర్ణములు నిలిచె శ్రీవేంకటనిలయమూరితికీ

                           చిన్ని శిశువు చిన్ని శిశువు ఎన్నడు చూడమమ్మ ఇటువంటి శిశువు॥ తోయంపు కురులతోడ తూగేటిశిరసు, చింత కాయలవంటి జడలా గములతోడ మ్రోయుచున్న కనకపు మువ్వల పాదాలతోడ పయక యశోద వెంట పారాడు శిశువు॥ ముద్దుల వ్రేళ్ళతోడ మొరవంక యుంగగాల నిద్దపు చేతుల పైడి బొద్దుల తోడ అద్దపు చెక్కులతోడ అప్పలప్పలనినంత గద్దించి యశోదమేను కౌగిలించు శిశువు॥ బలుపైన పొట్ట మీది పాల చారలతోడ నులివేడి వెన్నతిన్న నోరితోడ చ్లగి నేడిదే వచ్చి శ్రీ వేంకటాద్రిపై నిలిచి లోకములెల్ల నిలిపిన శిశువు॥

                      అతడెవ్వాడు చూపరే అమ్మలాల ఏతుల నాడేటి క్రిశ్ణుడీతడే కాడుగదా || కందువ దేవకి బిడ్డగనె నట నడురేయి అందియ్శోదకు గొడుకైనాడుట నందడించి పూతకిచంటి పాలుదాగెనట మందల ఆవులగాచి మలసెనట || మంచిబండి దన్నెనట ముద్దులు విరిచెనట ఇంచుకంతవేల గొండయెత్తి నాడుట మంచాలపై గొల్లెతలమానాలు చేకొనెనట మించుల బిల్ల గోలివట్టి మెరసెనట || కాళింగుని మెట్టెనట కంసుబొరిగొనెనట పాలించి సురల జేపట్టెనట యీలీల వేంకటాద్రి నిరవైనదేవుడట యేలెనట పదారు వేలింతుల నిందరిని ||